Informazio eta arau orokorrak

1. Udalekuak elkarrekin bizitzeko eta baloreak ikasteko tokiak dira, beraz elkarbizitza eta lankidetzako arau batzuk dituzte. Parte-hartzaileren batek arau horiek behin eta berriz beteko ez balitu, etxera bidali ahal izango litzateke. Etxerako itzulia guraso edo tutoren kargura izango litzateke.
2. Parte-hartzaileek izen ematean osatzen dituzten taldeak errespetatzen ahaleginduko gara beti.
3. Bisitak ez daude baimenduta, udalekuaren dinamika ez apurtzeko. Udalekuetan egindako jardueren argazkiak ikusgai egongo dira instalazio bakoitzari dagokion atalean, Egonaldien egunkaria delakoaren ikonoa hautatuz eta dagokion txandan sartuz.
4. Antolatzaileek parte-hartzaileei gomendatzen diete sakelako telefonorik, erloju adimendurik, musika-erreproduzigailurik (mp3, mp4...), argazki-kamerarik edo beste gailu elektronikorik ez eramatea. Halakoren bat eramanez gero, ezin izango da erabili jardueraren garapena ez oztopatzeko.
5. Haurrek arropa guztia bere izen deiturekin edo horien inizialekin markatuta eraman beharko dute.
6. Kuotak gastu guztiak barne hartzen dituenez, erakundeak aholkatzen du dirurik ez eramatea.
7. Plaza eskuratu eta kuota ordaindu ondoren ez da aipatutako zenbatekoa itzuliko ez bada ondo frogatutako arrazoia dagoela
8. Programa honetako alderdi batzuk aldatzeko ahalmena du, horien ordez antzeko ezaugarriak dituzten beste batzuk jarriz.